القائمة الرئيسية

الصفحات

صورة ارشيفية

كلمات رضا عطيه 
ياموزع الاحلام 
انا حلمى كان تخاطيف 
معجون بلون الورد
منساب فى وش الطيف
اصحا فى عز البرد 
الاقيه بلون الدم 
ياموزع الاحلام 
انا ليه غنايا هم 
ببعد.طريق الفرح 
والهم فيه امشى 
واسمع كلام العدا 
فى نهارى وف امسى 
بضحك ومن حزنى القا 
القسا محفور جوايا 
مايسيبنى تطلع بريحه 
الوجع الاه بتجرحنى 
وراح يضحكوالعزال 
وبكلمه تدبحنى 
و أسأل انا حجاج 
لما الميزان بيميل 
قال يبقا فيها عناد.
لحد يوم الدين 
ولازم تكون كفتك 
معدوله بزياده 
والحسبه لو تتحسب 
يبقا الجنان عاده 
ياموزع الاحلام 
اسال كمان حمال 
ياعم ياجمال حملك
تقيل نوبتين 
لما انت شايل احمال
امال جمالك فين 
كتفك خلاص اهو مال
ع الحب وبحوره 
اتاريك فى دنيا الهوى 
مسكين طفيت نوره 
والبحر كله حيتان 
والقصه موجوده 
فى القلب والوجدان 
والقوله معهوده 
نحلم بيوم الفرح 
بارده مسلوبه 
يمكن يسيبنا الجرح.
تكتب لنا الاحلام 
نعشق ومن تانى 
ترجع لنا الدنيا 
فرحانه محبوبه
هل اعجبك الموضوع :

تعليقات